Kanë filluar tashmë të mësohen shifrat rreth kandidatëve për deputetë në nivel vendi.
Ajo që na intereson padyshim është se si kanë performuar emrat nga komuna jonë, në veçanti tek një parti që është rikthyer në vota, PDK.
Partia Demokratike e Kosovës, përkatësisht kandidatët e saj nga Rahoveci momentalisht janë jashtë listës për deputetë.
Më afër nga ta ishte Idriz Vehapi, që ka mbi 10 mijë vota, por për shkak të numrit të madh të votave nga kandidatët tjerë mund të jetë jashtë parlamentit, kjo të paktën momentalisht, sepse çfarëdo ndryshimi me hyrjen potenciale në qeveri të PDK-së, mund të ketë zhvillime të reja.
Por, ajo që duhet thënë, nga informacionet jozyrtare që ka Rahoveci n’Fokus pritet të ketë ndryshime në degën e kësaj partie në Rahovec.
Sipas të gjitha gjasave, Idriz Vehapi do të rikthehet si kandidat për deputet, duke hequr kështu nga opsioni Edon Canën, që nuk është se u paraqitë mirë në këto zgjedhje.
“Nëse profa i merr mbi 10 mijë vota në total në këto zgjedhje, rikthehet kandidat në zgjedhjet lokale”, pat thënë një burim i Rahovecit n’Fokus para 9 shkurtit.
Gjithsesi, kjo nuk është e konfirmuar dhe mbetet të shihet se si do të rrjedhin gjërat ditëve në vijim.
