Një skuadër si Rahoveci i duhet me patjetër Ligës së Parë. Andaj, i madh e i vogël pasnesër le të marrë rrugë drejt Kompleksit Sportiv, përkatësisht tek Epopeja.
Skuadra e Liridon Lecit që po lufton me mish e me shpirt për mbijetesë, kësaj radhe ka një kundërshtar që vetëm me tifozë mund ta mposhtë.
Nëse do jemi 12 lojtarë të shtunën nga ora 15:00, atëherë fitorja do të jetë shumëherë më lehtë e arritshme.
Ndihmojeni klubin duke qenë vetëm të pranishëm, asgjë më shumë. Nuk ka as pagesë as kurrgjë. Veç për hir të historisë e dashakëqinjve që synojnë ta gjuajnë Rahovecin në Ligën e Dytë, duhet të merrni rrugë te Kompleksi.
Kujtojmë, çdo dështim të shtunën nënkupton kapitulim, andaj: M.O.S. H.E.Z.I.T.O.N.I. Dy orë që mund të jenë pak për juve, janë jetike për njërën prej skuadrave më të vjetra në vend./Rahoveci n’Fokus
