NJOFTIM NGA KOMISIONI QEVERITAR PËR PERSONA TË ZHDUKUR
Identifikohen mbetjet mortore të qytetarit nga Rahoveci, Elhami Qamil Tahiraga.
Pas 26 vitesh pritjeje dhe pasigurie, falë identifikimit të realizuar me metodën shkencore të ADN-së, janë identifikuar mbetjet mortore të Elhami (Qamil) Tahiraga nga Rahoveci, i cili ishte i zhdukur që nga periudha e luftës në Kosovë.
Komisioni Qeveritar për Persona të Zhdukur, në bashkëpunim me Institutin e Mjekësisë Ligjore, ka njoftuar zyrtarisht familjen Tahiraga për rezultatet e procesit të identifikimit.
Me këtë rast, Komisioni Qeveritar për Persona të Zhdukur shpreh mbështetje dhe solidaritet të sinqertë me familjen Tahiraga, duke shpresuar që ky identifikim t’u sjellë qetësi shpirtërore dhe lehtësim pas një periudhe të gjatë pritjeje dhe dhimbjeje.
INFORMACION NGA TAKIMI ME FAMILJARËT:
Elhamiu ishte raportuar i zhdukur që nga korriku i vitit 1998 gjatë luftës në Rahovec. Identifikimi i tij është bërë i mundur përmes analizës shkencore të ADN-së. Përcjellja dhe ceremonia mortore do të organizohen në koordinim me familjen.
