Shkruan: Osman Dula
Pavarësisht ankesave të shumta dhe thirrjeve të bëra në organet udhëheqëse të kompanisë, situata nuk është zgjidhur. Para një jave, një ekip erdhi për të ndërhyrë, kryen gërmime për të gjetur defektin, por pa sukses. Arsyeja që na u dha ishte qesharake dhe e papranueshme, duke deklaruar se “defekti nuk mund të gjendet”. Ata kanë lënë gropën e hapur, çka ka shkaktuar një sërë problemesh:
1. Rrezik për sigurinë e fëmijëve – Gropa e hapur përbën një rrezik të lartë për fëmijët që jetojnë në lagje.
2. Pengesa në komunikacion – Rruga është bllokuar, duke pamundësuar qasjen rrugore për banorët e lagjes.
3. Mungesë e ujit për banorët – Rreth 15 shtëpi kanë mbetur pa furnizim me ujë të pijshëm, duke u detyruar të përdorin alternativa të rrezikshme, si p.sh. ujë nga bunarët, që është i pakontrolluar dhe përbën një rrezik të lartë për shëndetin.
Probleme shëndetësore të mundshme:
Duke qenë se furnizohemi me ujë të pakontrolluar, rrezikojmë infeksione të ndryshme, sidomos te fëmijët, për shkak të cilësisë së dobët të ujit.
Mungesë përgjigjeje dhe neglizhim:
Kemi përshtypjen se si lagje po neglizhohemi. Pas shumë përpjekjeve dhe ankesave, po hasim në “vesh të shurdhër”. Kjo situatë është e papranueshme dhe kërkon zgjidhje urgjente.
Lokacioni i problemit:
Rr. Avdullah Bugari – Rahovec
Me shqetësim,
Banori i lagjes, Osman Dula
P.S. Bashkangjitur gjeni fotografi nga vendi i ngjarjes.
