Visar Korenica a.k.a. Cristiano Ronaldo.
Kandidati për deputet nga radhët e Listës për Familjen do t’i hyjë garës me numër 7.
Kjo është bërë tashmë e ditur nga vetë koalicioni që synon të bëjë senzacion duke kaluar pragun.
Ajo që duhet thënë, është parë një angazhim i skajshëm në veçanti në Rahovec për ta mbështetur Korenicën, por mbetet të shihet se cila parti do ta pësojë.
Realisht, në përgjithësi për Listën për Familjen, nevojiten rreth 35 mijë vota për ta kaluar pragun, pasi dalja e përgjithshme pritet të jetë rreth 700 mijë votues.
Kujtojmë, në studiot televizive, si Korenica, ashtu edhe Rrahmani janë përmendur për konsistencë, konsistencë kjo që mund t’u ndihmojë më 9 shkurt.
E nëse kësaj ia shtojmë edhe votat që ka Selim Pavolli, atëherë nënkuptohet se pragu nuk mund të jetë kushedi çfarë arritje.
