Menaxheri i Unum Events këto ditë po mendon veç për një gjë: vizitën e kandidatit për kryeministër, Bedri Hamza, anise duke njohur kapacitetet e tij prej ndërmarrësi, do t’ia dalë t’i menaxhojë të gjithë mysafirët që ka ftuar dega e PDK-së në komunën tonë.
Se është parë një entuziazëm i veçantë këto ditë në qytet nuk do mend, ndërsa pritet të konfirmohet këtë të enjte, kur në qytetin tonë do të zbarkojë Bedri Hamza, një nga politikanët më me sharm në Kosovë.
Nga Partia Demokratike në Rahovec synojnë këndelljen pas zgjedhjeve të fundit, ku dolën në vendin e katërt, por kësaj radhe nuk do të pranojnë më pak se pozitën e parë, e ku për këtë gjë pritet të ndikojë edhe kandidatura e Prof.Dr. Idriz Vehapit, një nga figurat më të mirëpritura në Rahovec, shto këtu edhe Edon Canën, një kuadro me finesë ndërkombëtare.
E dëshmi për këtë pritet të jetë numri i madh i mysafirëve që do të jenë në Unum Events.
Bedri Hamza pritet ta shpalosë programin e tij, ku fjalën kyçe do ta ketë bujku, gjegjësisht vreshtari.
