Është përfshirë nga zjarri një shtëpi në fshatin Hoqë të Madhe të Rahovecit.
Kështu bëri të ditur Policia e Kosovës përmes një njoftimi, që konfirmoi edhe vdekjen e një të moshuareje 85-vjeçare.
Në vendin e ngjarjes kanë dalë njësitet policore dhe zjarrfikësit ta cilët kanë intervenuar menjëherë për lokalizimin dhe shuarjen e zjarrit si dhe kanë ndërmarrë të gjitha veprimet e nevojshme për rastin.
Pas ekzaminimeve të kryera në vendngjarje, duke u bazuar në hetimet e para, Policia ka njoftuar se dyshohet se zjarri shpërtheu në mënyrë aksidentale nga stufa me të cilën ngrohej e moshuara.
